Mid indha la ha daba galin

Dadku waxay is waydiin
Dadnimadiisa kaa gadi
Oo dooni dhimashada
Duruuftiisu waa maxay?!

Xornimada nin diidaa 

Abidkii dib uma helo

Dibna wuu ka ooyaa

Dullina wuu ku daaimi

Addoonimo nin doortaa

Dariiq badan ayuu heli

Dabinkeeda lagu galo

Xornimana is daayaan

Waa laba dariiq oon

Isku soo darayn abid

Adigaa dantaa oge

Kala dooro labadaa

Caqligiisa diidaha

Indhahaa dadkaa kale

Aragooda doortee

Danahooda ku cabbira

Marna tiisa aan dayin

Inne aragi waa dame

Yuu dowga kaa ridin

Ha ku dayanin kaasoo

Ha ku guban dabkuu shidi

Iyo dabinaduu dhigi

Ha is dilin adoo nola

Mid indha la ha daba galin